DAUM

“Daum”—bir neçə dövrün sənətkarlıq və bədii estetika təkamülünün əsl salnaməsidir. 1878-ci ildə Jan Dom Fransanın Nansi şəhərində kristal zavodunu qurdu.

Şirkətin yarandığı ilk illərdən bu yana “Daum” sənətkarlarının və rəssamlarının ilham mənbəyi təbiət motivləri olmuşdur. Manufakturanın ilk məhsulları adi idi. Onları özünəməxsus edən Ogüst və Antonin Domun təcrübələri olmuşdur.

Marka rəssamlarla işbirliyinə üstünlük verirdi. Müxtəlif vaxtlarda Jak Qrüber, Lui Majorel, Emil Qalle, Viktor Pruve, Salvador Dali, Jan Kokto, Arman, Rişar Orlinski – ümumilikdə üç yüz əllidən çox isim Daumla çalışmışdır.

Marka büllur məmulatlara daxili parıltı və çoxlu rəng çaları bəxş edən qədim Misirin “pate de verre” («şüşə xəmir») texnikasını canlandırmışdır. Belə mürəkkəb və çox əmək tələb edən texnika sayəsində “Daum” vazları yeni nəfəs qazandı və bütün dünyada keyfiyyətli və eksklüziv dizayn bilicilərinin qəlblərini fəth etməkdə davam edir. Hal-hazırda, bu, kristalda 70-dən çox çaları əks etdirməyə qadir olan yeganə markadır. Onların ar-nuvo üslubundakı kolleksiyası 1900-cü ildə Parisdəki Ümumdünya sərgisində Qran-pri qazanmışdır.