VıLLEROY & BOCH

1748-ci ildən bəri “Villeroy & Boch” müştərilərin gündəlik həyatına yüksək keyfiyyətli, şıq keramika məhsulları ilə dekorativ ştrixlər əlavə edir. XVIII əsrin sonlarında şirkət kral ailələri üçün unikal yuyunma çanaqları, o cümlədən II Lüdviq üçün Bavariya "Nağıl kralı" adlı xüsusi kolleksiya istehsal etmişdi. Brendin əsas məhsul portfeli süfrə ləvazimatları, vanna otağı ləvazimatları və sağlamlıq ləvazimatlarına bölünür. Şirkət olaraq, “Villeroy & Boch” ənənələri yenilikçi dünyagörüşü ilə birləşdirir və həm gündəlik həyata, həm də xüsusi tədbirlərə zərif çalarlar əlavə edir. Süfrə ləvazimatları bölməsinin məhsul portfelinə qab-qacaq, qədəhlər və masa bəzəyi kimi şıq bir masa yaratmaq üçün tələb olunan hər şey daxildir. Geniş və rəngarəng məhsul çeşidləri hər bir tədbir üçün mükəmməl məmulatları özündə cəmləşdirir. “Villeroy & Boch” sektorda yaradıcı novatordur və məhsulların işlənib hazırlanmasında, eləcə də, məhsulların yayılması kanalları və satış nöqtələri kimi sahələrin rəqəmsallaşdırılmasında yeni standartları müəyyən edir. Xüsusi Yemək Məmulatları və Hədiyyələr adlı yeni məhsul kateqoriyaları bu brendin daim sadiq qaldığı perspektivli yanaşmasını göstərir. Brend papalar: II Jan Pol və XVI Benedikt üçün məxsusi qablar hazırlamışdır, qonaqlama bölməsi isə, bütün dünyada məşhur olan mehmanxanalar, restoranlar və kruiz gəmiləri üçün öz məhsullarını təmin edir.